volleyball sa beach

Tiktik (16Sep05)

Dear Don Honesto,

NAPANAGINIPAN ko po na ako ay naglalaro ng volleyball sa tabi ng dagat at kasama ko ang aking mga nakababatang kapatid.Pero imbes na isa lamang ang bola ay tig-iisa kami at nagpapalitan ng puwesto. Naka-two-piece bikini lamang ang suot namin kaya’t napupuno ang katawan namin ng mga buhangin pero tuwang- tuwa kami. Pero biglang lumakas ang alon at nilamon kami ng tidal waves kung saan napadpad akong bigla sa gitna ng dagat. Nagsosolo akong nakalutang habang nakakapit sa kaputol na kahoy kaya’t nagsisigaw ako sa takot hanggang sa magising. Bigyan mo ako ng masusuwerteng numero lalo na sa pagtaya sa jai alai at lotto. Ipinanganak ako ng Pebrero 4, 1980.

MARITA NG PASIG CITY

Dear Marita,

Malinaw na ipinapakita sa panaginip na ikaw ay hindi pa gaanong seryoso sa buhay. Apektado ka pa rin ng buhay-dalaga at hindi ka sanay na pumapasan ng mga responsibilidad. Ang volleyball ay nagsasabi na ikaw ay mahilig manisi ng kapwa, ang iyong kabiguan ay madalas mong isinisisi sa ibang tao imbes na suriin ang iyong sarili at alamin ang mga pagkakamali. Kailangan mong matutong pumasan ng responsibilidad at maunawaan na ang iyong tagumpay ay higit na nakasalalay sa personal mong kakayahan kaysa sa impluwensiya o tulong ng ibang tao. Ang iyong mga nakababatang kapatid ay repleksiyon ng iyong kawalan ng tiwala sa sarili. Hindi ka makapagdesisyon o makagalaw nang nagsosolo. Ang pagsusuot ng bikini ay ay nagsasabi na nasasabik ka pa ring lumaya o maging independent pero hindi mo magawa dahil sa kapos ng tiwala sa sarili. Ang tubig sa dagat ay nagpapahiwatig ng pagkakaroon ng strong sexual drives kaya’t dapat mong ingatan upang hindi ka mapahamak. Katapat ng volleyball ay No. 6; No. 33 ang dagat; No. 14 ang paglalaro; No. 20 ang batang kapatid; No. 38 ang pagkaanod; No. 40 ang malaking alon; No. 10 ang pagsosolo; No. 29 ang bikini. Tipikal sa tulad mong isinilang sa petsang 4 ay makaranas ng kakaibang lungkot pero likas kang mabait kaya’t marami kang magiging kaibigan na magpapasaya sa iyo. Pinakabuwenas mo ang No.4 at No. 8. Sa jai alai, isama mo ang No.1. Sa lotto, pumulot ka sa itaas at ihalo ang ilan sa mga sumusunod: 3-7-11-19-23-27-34-38-40.
---30—

02. PALMISTRY

Yayaman si mister

Dear Sir Dennis,

NATUKSO na rin akong magpa-serox ng guhit ng palad. Gusto ko kasing itanong kung may pag-asa akong magkaroon ng matatag na trabaho. Kasi’y laging contractual lang ako bilang salesclerk. Nabuburyong na ako. Maraming nanliligaw sa akin at natutukso na rin akong pumatol kasi’y nasisira na ang loob ko. Makakapag-asawa ba ako ng isang may kaya sa buhay upang guminhawa na ang buhay ko? Ilan ba ang aking magiging anak? Magkakaroon ba ako ng sariling bahay at lupa? Ipinanganak ako noong Setyembre 5, 1978.

EDITH NG CALAMBA, LAGUNA

Dear Edith,

MAGKAKAROON ka naman ng matatag na trabaho at magiging angkop ang iyong posisyon sa iyong pinapangarap. Kasi’y may guhit na pumaitaas sa bandang ilalim ng palasingsingan (tingnan ang bilog sa bandang ilalim ng ring finger). Nagsasabi ito na magtatagumpay ka sa larangan na papasukan mo. Magkakaroon ka rin ng sariling bahay at lupa dahil may guhit na pumaitaas sa bandang ilalim ng hinlalato (tingnan ang bilog sa bandang ilalim ng middle finger). Tama ang kutob mo, makapag-aasawa ka nang may kaya sa buhay o mayaman dahil may nag-parallel na gitna ng palad na paitaas sa mga daliri (tingnan ang bilog sa gitna). Nagsasabi ito na sasagipin ka ng iyong mapapangasawa mula sa kahirapan. Magkakaroon kayo ng tatlong anak kasi’y may tatlong guhit na pumaitaas sa bandang kalamnan ng hinlalaki (tingnan ang bilog sa kalamnan ng hinlalaki).
--30--