GF sa tricycle

Tiktik (17Sep05)

Dear Don Honesto,

NAPANAGINIPAN ko po na nagmamaneho ako ng traysikel at sinundo ko raw sa kanyang pinagtatrabahuhan ang aking girlfriend. Pero nang sumakay siya ay may kasamang ibang lalaki kaya’t inaway ko. Kinuha ko ang panaksak sa traysikel at inundayan ko ang estranghero hanggang sa mapatay ko. Nag-iiyak ang nobya ko hanggang sa magising ako. Ano kaya ang ibig sabihin nito? Bigyan mo ako ng masusuwerteng numero lalo na sa pagtaya sa jai alai at lotto. Ipinanganak ako noong Mayo 5, 1979.

ALBERTO NG MARIKINA CITY

Dear Alberto,

ANG pagmamaneho ay nagsasabi na sinisikap mong kontrolin ang takbo ng iyong buhay. Nagtatangka kang disiplinahin ang iyong sarili. Patuloy kang nagpaplano at nangangarap. Ang iyong girlfriend at simbolo ng katuparan ng iyong mga pangarap at nagsasabi na ikaw ay marami ring plano na matutupad. Ang lalaki na kasama ng iyong GF ay ikaw rin mismo ang sinisimbolo pero ito ay kumakatawan sa iyogn bad traits. Nangangahulugan ito na nagtagumpay ka na iwasan ang mga bisyo at masasama mong nakamihasnan.Malinaw ditto na may naghihintay sa iyo na magandang bukas. Katapat ng traysikel ay No. 38; No. 3 ang pagmamaneho; No. 6 ang GF; No.7 ang lalaki; No. 27 ang pananaksak; No. 29 ang patay. Tipikal sa tulad mong isinilang sa petsang 5 ay makaranas ng mabibilis na pagbabago sa takbo ng buhay pero bubuwenasin ka sa pagbibiyahe at may kakayahang mag-abroad. Pinakabuwenas mo ang No. 5 at No.9. Sa jai alai, isama moang No. 3. Sa lotto, pumulot ka sa itaas at ihalo ang ilan sa mga sumusunod: 4-7-11-19-23-27-34-38-40-42.
---30—


02. PALMISTRY

2 kurso ang matatapos

Dear Sir Dennis,

NAGPASYA na rin akong magpa-serox ng guhit ng palad. Gusto ko kasing itanong kung makakatapos ako ng pag-aaral sa kolehiyo. Isa akong self- supporting student at namamasukan sa isang fast food chain.Pero maliit lang ang kita ko at masyado akong napapagod. Pangarap kong makapag-abroad, matuloy kaya ako? Gusto ko ring makapag-asawa nang maayos at magkaroon ng masayang pamilya, ilan ba ang aking magiging anak? Ipinanganak ako noong Setyembre 4, 1985.

ADONIS NG LAS PINAS CITY

Dear Adonis,

WALA kang dapat ipag-alala kasi’y matatapos mo naman ang pag-aaral sa kolehiyo kahit patigil-tigil sa enrollment. Pero alam mo bang dalawangf kurso pa ang matatapos mo? May nag-parallel kasing guhit paitaas sa bandang ilalim ng palasingsingan (tingnan ang bilog sa bandang ilalim ng ring finger) na nagsasabi na makakaangat ka sa dalawang magkahiwalay na larangan. Karaniwang nakikita ito sa mga professionals. Magagawa mo ring makapag-abroad kasi’y mahaba ang naabot ng dulo ng Life Life at nagkaroon ng sanga (tingnan ang bilog sa bandang pulso). Nagsasabi ito na buwenas ka sa malalayong lugar at paglalakbay. Makakapag-asawa ka naman nang maayos at kung sino ang iyong maging unang girlfriend ay siya na ang iyong mapapangasawa. Nagsosolo kasi ang guhit sa tagiliran ng palad (tingnan ang bilog sa bandang ilalim ng hinliliit). Nagsasabi ito na minsan ka lamang magmamahal. Magkakaroon kayo ng dalawang anak kasi’y may dalawang guhit na pumaitaas sa kalamnan ng hinlalaki (tingnan ang bilog sa bandang kalamnan ng hinlalaki).
-------30--