Computers okey

Dear Sir Dennis,
NATUKSO na rin akong magpa-serox ng guhit ng palad. Gusto ko kasing malaman kung magkiklik ang itinayo kong computer rentals. May limang units at may isang pinaaarkila kong video-karaoke machine. Nag-resign na ako sa tranbaho at dito ko ginamit ang nakuha kong benepisyo. Ipinanganak ako noong Hunyo 7, 1970. Matagal ko na ring pinapangarap na mag-abroad, matuloy kaya ako? May dalawa akong anak. Sino sa kanila ang magtatagumpay?

ROMING NG TAGUIG, MM

Dear Roming,
MAGKLIK naman ang iyong munting negosyo. Magkakaroon ka pa ng sangay o branch sa ibang lugar. May dalawang guhit kasi na nag-parallel paitaas sa dakong ilalim ng hinliliit (tingnan ang bilog sa dakong ilalim ng kalingkingan). Karaniwang nakikita ito sa matatagumpay na negosyante lalo pa't pumasok ka sa modernong teknolohiya. Magkiklik din kung hahaluan ng mga produktong cellphones. Magagawa mo ring makapag-abroad dahil malayo rin ang naabot ng dulo ng Life Line na dumikit sa dakong pulso (tingnan ang bilog sa dakong pulso0. Nagsasabi ito na buwenas ka sa pagbibiyahe. Makakatapos ng pag-aaral ang iyong panganay na anak pero hindi ang bunso kasi'y mag-aasawa nang maaga ito. Mas mahaba kasi ang unang guhit sa dalawang linya pumaitaas sa kalamnan ng hinlalaki (tingnan ang bilog sa dakong kalamnan ng hinlalaki).
(Tiktik newspaper, 22dec06)
----30--

Sunshine sa dreams

Dear Don Honesto,
NAPANAGINIPAN ko na naglalakad kami ng misis ko at nag-iisa kong anak sa gitna ng isang kalye na ubod-nang-liwanag ng araw. Nag-iingat daw kami kasi sa sobrang init. May dalawa kaming payong at nagsasalisihan kami sa pagkukubli sa aming anak . Ano kaya ang ibig sabihin nito? Ipinanganak ako noong Hunyo 5, 1970. Bigyan mo ako ng gabay sa pag-unlad. Isa akong ordinaryong obrero sa isang pribadong opisina. Bigyan mo rin ako ng buwenas na numero lalo na sa pagtaya sa jai alai at lotto.

RICHARD NG IMUS, CAVITE

Dear Richard,
ANG misis mo ay sumisimbolo ng conflicts o magkasalungat na diskarte. Pero, nagkaroon ng sikat ng araw kaya't walang duda na mareresolba ang problema. Nagpapahiwatig ito ng pagkakatuklas o pagkakamulat . Nagsasabi na may pambihira kang energy na wala sa ibang tao. Ipagpatuloy mo lamang ang iyong mga balakin at walang duda na magtatagumpay ka. Ang iyong anak ay sumisimbolo ng isang bagong aktibidad kung saan magiging pundasyon ng iyong pagtatagumpay. Ang payong ay nagsasabi na madali kang maabsuwelto sa problema at magtatagumpay dahil may angkin kang talino at praktikal ka sa mga desisyon. Katapat ng misis ay No. 36; No. 33 ang payong; No.10 ang anak; No. 40 ang sikat ng araw; No. 11 ang kalye. Tipikal sa tulad mo isinilang sa petsang 5 ay maging matagumpay na negosyante kaya't magsimula ka na ng maliit na negosyo. Pinakabuwenas mo ang No. 5 at No.1. Sa jai alai, isama mo ang No. 8. Sa lotto, pumulot ka sa itaas at ihalo ang ilan sa mga sumusunod: 3-7-11-18-23-28-34-36-40-42.
( Tiktik newspaper, 22dec06)
----30--

Guhit ng palad ng election winner

(Tiktik newspaper, 21dec06)

Dear Sir Dennis,
NAGLAKIP na rin ako ng xerox copy ng guhit ng palad. Nais kong itanong kung mananalo kaya ako kapag kumandidato ako sa susunod na eleksiyon? Isa akong titser sa hayskul sa pribadong eskuwelahan. Ibinubuyo ako ng mga kumpare ko na kumandidato. Ipinanganak ako noong Mayo 7,1967. May dalawa akong anak at maliit na negosyo ang misis ko. Makatapos kaya ng pag-aaral ang aking mga anak?

FERNANDO NG BALANGA, BATAAN

Dear Fernando,
ITULOY mo lamang ang pakikisama sa kapwa. Dalasan mo ang pamamasyal sa inyong bayan at regular na gumawa ng iskedyul ng aktibidad. Walang duda na mananalo ka kapag kumandidato ka. May dalawang guhit na kasi na nag-parallel paitaas tungo sa dakong ilalim ng hintuturo (tingnan ang bilog sa dakong ilalim ng hintuturo). Karaniwang nakikita ito sa mga lider at opisyal ng gobyerno. Makakatapos naman ng pag-aaral ang iyong dalawang anak kasi'y parehon malinaw ang dalawang guhit na pumaitaas sa kalamnan ng hinlalaki (tingnan ang bilog sa kalamnan ng hinlalaki). Makakatulong ang iyong dalawang anak sa panahon ng iyong pagtanda. Mapapalaki mo rin ang inyong negosyo at magiging dalubhasa ka rin sa pagtuturo.
----30--

Nanganak sa dreams

(Tiktik newspaper, 21dec06)

Dear Don Honesto,
NAPANAGINIPAN ko po na ako ay nanganganak. Isang malusog na sanggol na lalaki daw ang isinilang ko. Inaayos daw ito ng nanay ko at mga kapatid ko. Walang pagsiglan ang kaligayahan ko. Inaalok na ako ng kasal ng boyfriend ko, next year ang balak namin. Bigyan mo sana ako ng masusuwerteng numero lalo na sa pagtaya sa jai alai at lotto. Ipinanganak ako noong Hulyo 17, 1978.

ELIZABETH NG ANTIPOLO CITY

Dear Elizabeth,
ANG panganganak ay nagsasabi na ikaw ay nahaharap sa isang malaking pagbabago ng takbo ng buhay. Isang agarang pagbabago. Ang sanggol ay sumisimbolo sa mga bagong pangarap at pagsisimula ng isang bagong yugto ng buhay. Kung malusog ang sanggol, sobra-sobra ang tiwala mo sa sarili mo at walang duda na matutupad ang iyong mga pangarap. Ang iyong ina ay nagsasabi na ikaw ay isang responsible at maaasahan. Malinaw na naapektuhan din ang iyong panaginip sa plano mong paglagay sa tahimik. Ang iyong mga kapatid ay nagpapahiwatig na maraming tao ang kusang tutulong sa iyo. Katapat ng panganganak ay No. 10; No. 21 ang sanggol; No. 37 ang nanay; No. 24 ang kapatid; No. 25 ang masaya. Tipikal sa tulad mong isinilang sa petsang 17 ay makaranas ng maraming pagsubok pero malalampasan mo ito at magagamit na hagdanan sa pagtatagumpay ang mga mapupulot na aral mula sa mapapait na karanasan. Pinakabuwenas mo ang No. 8 at No. 4. Sa jai alai, isama mo ang No. 9. Sa lotto, pumulot ka sa itaas at ihalo ang ilan sa mga sumusunod: 3-6-11-18-23-27-34-36-40-42.
----30--

Huling biyahe (Tiktik, palmistry--20dec06)

Dear Sir Dennis,
NAGPA-ZEROX na rin ako ng guhit ng palad. Gusto ko kasing itanong kung makakapag-asawa pa ako. Panganay ako sa limang magkakapatid. Ulila na kami sa ama at ina. Ako ang nagpapaaral sa mga kapatid ko. Ipinanganak ako noong Marso 17, 1970. Isa akong superbisor sa isang malaking warehouse. Kung mag-aasawa ako, ilan ang magiging anak ko? Makakapagpundar ba ako ng sariling bahay at lupa?

ARDY NG DASMARINAS, CAVITE

Dear Ardy,
KALMANTE ka lamang. Pero kailangang magparami ka ng kaibigan at umiwas na magmukmok sa loob ng bahay. Dumalo ka sa mga sosyalan at mga okasyon kung saan magkakaroon ka ng mga bagong kakilala. Sa isang party mo makikilala ang iyong mapapangasawa. Minsan ka lamang iibig at siya na ang iyong makakasama sa buhay. Nagsosolo kasi ang munting guhit na lumitaw sa dakong itaas ng tagiliran ng palad (tingnan ang bilog sa dakong ilalim ng hinliliit). Magkakaroon kayo ng tatlong anak dahil may tatlong malilinaw na guhit na pumaitaas sa dakong kalamnan ng hinlalaki (tingnan ang bilog sa kalamnan ng hinlalaki). Nagsasabi ito na makakatapos ng pag-aaral ang iyong mga anak at makakatulong sila sa iyong pagtanda. Makakapagpundar ka rin ng sarili mong bahay at lupa kasi'y may guhit na pumaitaas sa dakong ilalim ng hinlalato (tingnan ang bilog sa dakong ilalim ng middle finger).-----30--

Sayaw sa entablado (Tiktik, dreams--20dec06)

Dear Don Honesto,
BIGYAN mo sana ng kahulugan ang aking panaginip. Napanaginipan ko po na kasama ko ang yumao kong ama sa panonood sa isang programa sa ibabaw ng entablado. Nagsasayaw daw doon ang aking anak at nagpapalakpakan ang mga tao. Tuwang tuwa ang tatay ko. Pero biglang nahulog sa entablado ang anak koi at nagkagulo. Tapos ay bigla na lamang akong nagising. Ano kaya ang ibig sabihin nito? Ipinanganak ako noong Mayo 6, 1960. Nagsosolo lang ang anak ko. Bigyan mo rin ako ng masusuwerteng numero lalo na sa pagtaya sa jai alai at lotto.

RANDY NG TANAY, RIZAL

Dear Randy,
MATURITY at pagiging responsible ang ipinahihiwatig ng iyong ama. Ibig sabihin, mayroon kang strong character. Ang entablado ay nagsasabi na masyado kang conscious o masyadong excited sa iyong mga ikinikilos at ginagawa na karaniwang dahilan kung bakit pumapalpak ang iyong mga balakin. Ang iyong anak ay sumisimbolo sa iyong mga bagong proyekto na maaaring magklik kung magiging maingat sa pagdedesisyon. Ang pagsasayaw ay nagsasabi na kailangan mong maging sistematiko sa pagkilos at gumawa muna ng malinaw na plano bago ipatupad ang mga proyekto upang makatiyak sa tagumpay. Kung nahulog sa entablado, may lihim kang takot na mabigo! Katapat ng ama ay No. 37; No. 3 ang anak; No. 44 ang entablado; No. 26 ang pagsasayaw; No. 17 ang pagkahulog; No. 33 ang palakpakan; No. 35 ang gulo. Tipikal sa tulad mong isinilang sa petsang 6 ay maging emosyonal. Pinakabuwenas mo ang No. 6 at No. 3. Sa jai alai, isama mo ang No. 8. Sa lotto, pumulot ka sa itaas at ihalo ang ilan sa mga sumusunod: 3-6-11-18-23-26-34-37-40-42.
---30---

Australian ang matitikman, palmistry

Dear Sir Dennis,
NATUKSO na rin akong magpa-xerox ng guhit ng palad. Gusto ko kasing malaman kung matutuloy ako sa pag-aabroad. Ipinepetisyon kasi ako ng ate ko sa Australia. Ihahanap daw niya ako ng mapapangasawa doon. Matuloy kaya ako? Nabuburyong narin ako dito sa atin eh. Mahirap lang ang buhay namin dito at tangin ang paga-abroad ang solusyon sa pagdarahop. Dalaga pa ako at ipinanganak noong Mayo 6, 1983. Ilan ba ang aking magiging anak? Buwenas ba ako sa pag-aasawa? Makakapagpundar ba ako ng sariling bahay at lupa?

GEMMA NG CEBU CITY

Dear Gemma,
OKEY naman. Matutuloy ka sa pagdayo sa Australia. Tama ka, makakapag-asawa ka ng isang foreigner. Malayo kasi ang naabot ng dulo ng iyong Life Line na nakadikit sa dakong pulso (tingnan ang bilog sa dakong pulso). Nagsasabi ito na maninirahan ka nang matagal sa malayong lugar. Maraming bansa ang mararating mo .Buwenas ka sa paglalakbay. Magkakaroon ka ng apat na anak kasi'y may apat na guhit na pumaitaas sa dakong kalamnan ng hinlalaki (tingnan ang bilog sa dakong kalamnan ng hinlalaki). Nagsasabi ito na mapagtatapos mo ng pag-aaral ang iyong mga anak na pare-parehong makakatulong sa panahon ng iyong pagtanda. Makakapagpundar ka naman ng sarili mong bahay at lupa dahil may guhit na pumaitaas sa dakong ilalim ng hinlalato (tingnan ang bilog sa dakong ilalim ng middle finger).
----30--

dreams: paslit sa tulay

Dear Don Honesto,
NAPANAGINIPAN ko po na ako ay bumabagtas sa isang tulay. Nasa kabila ng tulay ang dalawang paslit. Nang makatating ako sa kabilang pampang ay tuwang tuwa ako na kinarga nang magsabay ang dalawang paslit. Masayang masaya ako nang oras na nananaginip ako. Ipinanganak ako noong Nobyembre 5, 1982. Dalawang taon na akong kasal pero wala pa ring anak. Bigyan mo ako ng gabay sa pagtatagumpay. Isa akong clerk sa pribadong opisina. Bigyan mo ako ng masusuwerteng numero lalo na sa pagtaya sa jai alai at lotto.

LORETA NG CAPAZ, TARLAC

Dear Loreta,
ANG tulay ay nagsasabi na nasa gitna ka ng proseso ng pag-analisa sa iyong buhay. Sinisikap mong alamin kung saan ka nagkamali sa nagdaang panahon at kung paano mo ito maitatama para sa hinaharap. Ang paslit ay nagpapahiwatig na ikaw ay nananatiling childish o batang-isip-- pabago bago ng desisyon, atubili at nalalayo sa praktikalidad na siyang dahilan ng iyong mga kabiguan. Ang tubig o ilog ay nagsasabi na mayroon kang strong sexual drives kaya't dapat mong makontrol ang pakikipagrelasyon sa opposite sex. Malinaw na magkakaroon ka naman ng anak. Masyado kang excited sa pagkakaroon ng baby kaya't napapanaginipan mo ito.Ang kasal ay nangangahulugan ng achievement o completion. Katuparan ito ng iyong mga pangarap. Katapat ng tulay ay No.11; No. 22 ang paslit; No. 36 ang pagkarga; No. 10 ang ilog; No. 25 ang masaya. Tipikal sa tulad mong isinilang sa petsang 5 ay maging mahusay na negosyante at buwenas sa biyahe. Pinakabuwenas mo ang No. 5 at No.3. Sa jai alai, isama mo ang No.8. Sa lotto, pumulot ka sa itaas at ihalo ang ilan sa mga sumusunod: 4-7-11-18-25-34-37-40-42.