Buong pamilya sa abroad

(for TIKTIK, May 31 issue)

Dear Sir Dennis,
NAGLAKAS-LOOB na rin akong magpa-zerox ng guhit ng palad. Excited kasi ako na malaman kung masusundan pa ang dalawa naming anak. Pabalik-balik sa abroad ang mister ko pero wala pa rin kaming sariling bahay. Maliit lang kasi ang kita niya na isang simpleng obrero lamang. Makapagpundar kaya ako ng sariling bahay at lupa? Inaaya niya ako na mag-abroad din dahil payag ang kanyang employer kasama rin ang aming anak, matuloy kaya kami? Ipinanganak ako noong Hunyo 18, 1974,
DELFINA NG TARLAC CITY
Dear Delfina,
DAPAT ay magpa-Canton ka, masusundan pa kasi ng dalawa ang iyong mga anak kasi'y may apat na guhit na pumaitaas sa kalamnan ng hinlalaki (tingnan ang bilog sa bandang kalamnan ng hinlalaki). Nagsasabi ito na magkakaroon ka ng apat na anak na pawang makakatapos ng pag-aaral at magtatagumpay. Magagawa mo rin makapag-abroad kasama ng buong pamilya. Kasi'y malawak at malayo ang naabot ng dulo ng Life Line at nagkaroon ito ng maraming sanga (tingnan ang bilog sa bandang pulso). Nagsasabi ito na makakasama mo sa ibang bansa ang mister mo at lahat kayo ay doon maninirahan nang matagal na panahon. Pagbabalik ninyo, makakapagpundar ka ng sarili mong bahay at lupa dahil may guhit na pumaitaas sa bandang ilalim ng hinlalato (tingnan ang bilog sa bandang ilalim ng middle finger).
----30--