Tuesday, December 06, 2005

opis, asenso (08dis05adv)

Tiktik—08dis05, advance for: dec. 08 issue

ATTENTION: TIKTIK c/o JUDAY

01. NUMERO AT PANAGINIP

Head:Manager sa office

Dear Don Honesto,
NAPANAGINIPAN kop o na ako ay nagpunta sa isang pribadong opisina at dinatnan ko ditto ang mga dati kong officemate na matagal ko nang iniwanan. Tuwang- tuwa daw sila nang Makita ako at muli nilang makakasama. Tipong ako ang aakto nilang bagong manager. Ano kaya ang ibig sabihin nito? Ipinanganak ako noong Mayo 27, 1970. Bigyan mo sana ako ng buwenas na numero lalo na sa pagtaya sa jai alai at lotto.

EDUARDO NG MALASIQUI, PANGASINAN

Dear Eduardo,
ANG opisina ay repleksiyon ng iyong pagkatao. Ito ang pormal na estilo ng iyong buhay. Nangangahulugan ito na ikaw ay papunta sa panibagong yugto ng buhay kung saan may iaalok sa iyo na oportunidad na magiging pundasyon sa iyong pag-unlad. Ang oifficemate ay nagsasabi na magkakaroon ka ng isang maselang responsibilidad na sakaling malampasan mo ang pagsubok ay dire-diretso ka nang makakaangat sa buhay. Kung ikaw ay manager, malinaw ditto na mabigat na paghamon ang makakaharap mo kaya’t dapat na paghandaan mo ito. Katapat ng opisina ay No.20; No. 16 ang officemate; No. 25 ang tuwa; No. 37 ang reunion. Tipikal sa tulad mong isinilang sa petsang 27 ay mapagitna sa maraming pagsubok kung saan makakatas nang todo ang iyong kakayahan. Pinakabuwenas mo ang No.9 at No.3. Sa jai alai, isama mo ang No.1. Sa lotto, pumulot ka sa itaas at ihalo ang ilan sa mga sumusunod: 2-6-11-19-23-25-34-37-40-42.
-----30—

02. PALMISTRY

Head:Makakaahon sa hirap

Dear Sir Dennis,
SUKI ako ng kolum mo at nais kong bigyan mo ng kahulugan ang guhit ng aking palad na ipina-zerox ko at inilakip ko ang kopya sa liham na ito. May pag-asa kaya akong makaahon sa hirap? Namamasukan ako bilang baby sitter pero nangangarap din akong makapagtayo ng sarili kong sari-sari store kahit sa tapat n gaming bahay, magawa ko kaya ito? Dalaga pa ako, makapag-aasawa kaya ako nang maayos? Ilan ang aking magiging anak? Ipinanganak ako noong Agosto 7, 1975.

CECIL NG SAN PABLO CITY

Dear Cecil,
LIKAS kang masikap, matiyaga at masinop kaya’t walang duda na makakaahon ka sa hirap. Marami kasing mumunting guhit ang sumulpot mula sa kalagitnaan ng Life Line (tingnan ang bilog sa gitna). Nagsasabi ito na maraming oportunidad ang kakatok sa iyong pintuan at magagamit mo ito sa pag-unlad. Makakapag-asawa ka naman nang maayos dahil may isang kaibigan na matagal mo nang hindi nakikita ang mag-aalok sa iyo ng kasal na hindi mo na dapat tanggihan. May nagsosolo kasing guhit sa tagiliran ng palad (tingnan ang bilog sa bandang ilalim ng hinliliit).Minsan ka lamang iibig at siya na ang iyong makakatuluyan. Magkakaroon kayo ng apat na anak kasi;y may apat na guhit na pumaitaas sa kalamnan ng hinlalaki (tingnan ang bilog sa bandang kalamnan ng hinlalaki). Makakapagtayo ka rin ng sarili mong sari-sari store dahil may guhit na pumaitaas sa bandang ilalim ng hintuturo (tingnan ang bilog sa bandang ilalim ng index finger).
----30--

Saturday, December 03, 2005

awit, ahon sa hirap (05dis05)

Tiktik—05dis05, for: dis. 05 issue advance

ATTENTION; TIKTIK c/o JUDAY

01. NUMERO AT PANAGINIP

Head:Umawit sa entablado

Dear Don Honesto,
NAPANAGINIPAN ko na ako ay kasali sa isang amateur singing contest. Napakaganda daw ngf suot kong gown tulad ng mga isinusuot ng mga divas sa telebisyon. Nagpapalakpakan daw ang mga ito habang ako ay umaawit sa ibabaw ng entablado sa harap n gaming munisipyo sa aming probinsiya. Pero biglang pumatak ang malakas na ulan at nagtakbuhan palayo ang mga tao. Pero ako ay patuloy lamang sa pagkanta kahit nag-iisa. Ano kaya ang ibig sabihin nito? Ipinanganak ako noong Mayo 3, 1980. Bagong pasok lang ako ng trabaho bilang computer technician. Bigyan mo ako ng masusuwerteng numero lalo na sa pagtaya sa jai alai at lotto.


APRIL NG STA ROSA, LAGUNA


Dear April,
KUNG napanaginipan mong kumakanta ka, nangangahulugan ito na ikaw ay napaka-organized sa iyong mga pagkilos kaya’t walang duda na mabilis kang aasenso sa iyong trabaho. Kung maraming tao, malinaw ditto na maraming lihim na humahanga sa iyo. Kung ikaw ay nasa entablado, hahawak ka ng mga tao o magiging superbisor at sa katagalan ay makapagpupundar ka ng sarili mong negosyo. Ang ulan ay nagsasabi na may mayroong kang strong sexual drives at ang pakikipagrelasyon sa opposite sex ang maaaring dumiskaril sa iyong mga pangarap kaya’t dapat na maging maingat ka. Gayunman, malalampasan ang lahat ng pagsubok. Katapat ng pag-awit ay No. 5; No. 40 ang entablado; No. 18 ang munisipyo; No. 49 ang maraming tao; No. 11 ang pag-ulan; No. 23 ang pagtakbo; No. 28 angf magarang gown. Tipikal sa tulad mong isinilang sa petsang 3 ay magmistulang bayani—maraming hahanga at bibilib sa iyo. Pinakabuwenas mo ang No. 3 at No. 8. Sa jai alai, isama mo ang No.1. Sa lotto, pumulot ka sa itaas at ihalo ang ilan sa mga sumusunod: 4-7-11-19-23-26-34-37-40-42.
----30—

02. PALMISTRY

Head: Makakaahon sa hirap

Dear Sir Dennis,
PALAGI akong nagbabasa ng kolum mo at nagpa-zerox na rin ako ng guhit ng palad na inilakip ko ang kopya sa liham na ito. May pag-asa na akong makaahon sa hirap? Isa lamang akong ordinaryong obrero sa isang kompanya. May apat akong anak na nag-aaral at may maliit na sari-sari store ang misis ko pero kapos pa rin kami. Makatapos kaya sa pag-aaral ang apat kong anak? Pangarap kong mag-abroad, matuloy kaya ako? Ipinanganak ako noong Agosto 7, 1967.

ESTEBAN NG TARLAC

Dear Esteban,
WALANG duda na aasenso ka at makakaahon sa hirap. Kasi’y masikap , matiyaga at masinop ka. Sa totoo lang, lahat ng paraan ay gagawin mo upang maiahon lamang sa kahirapan ang iyong pamilya. Marami kasing mumunting guhit ang pumaitaas mula sa Life Line paitaas sa banding ilalim ng mga daliri (tingnan ang bilog sa gitna). Nagsasabi iyan na maraming oportunidad ang kakatok sa iyong pintuan upang makaaahon ka sa hirap.Makakatapos naman ng pag-aaral ang tatlo mong anak maliban sa bunso na mag-asawa nang maaga. Mahahaba kasi at matitikas ang unang tatlo sa apat na guhit maliban ang huling guhit na pumaitaas sa kalamnan g hinlalaki (tingnan ang bilog sa banding kalamnan ng hinlalaki). Nagsasabi ito na matutulungan ka ng iyong mga anak sa panahon ng pagtanda. Matutuloy ka rin sa pagtatrabaho sa ibang bansa kasi’y mahaba ang naabot ng dulo ng Life Line at nagkaroon pa ito ng sanga nang umabot sa banding pulso (tingnan ang bilog sa banding pulso).
----30---

Friday, December 02, 2005

buhok, house-n-lot (04dis05)

Tiktik—04dis05asdvance

ATTENTION: TIKTIK c/o JUDAY

Head: Buhok

Dear Don Honesto,
NAPANAGINIPAN ko po na ako ang isa kong dating kaibigan na may balingkinitang katawan. Magkasabay daw kaming nagpagupit ng buhok sa parlor. Pero, nang lumabas kami ay napansin kong mas maikli ang buhok ko kaysa sa kanya at mas maganda ang kanyang porma kaysa sa akin. Sa totoo lang, madalas kong mapaginipan ang aking buhok. Noon una ay napaginipan kong marami akong kuto at inaalis ko ito isa-isa. Ano kaya ang ibig sabihin nito? Ipinanganak ako noong Nobyembre 5, 1980.

SYLVIA NG FRISCO, QC

Dear Sylvia,
ANG buhok ay nagsisilbing antenna ng iyong talino. Kung may kuto ito, nagugulo ang iyong isip. Hindi ka makapagdesisyon, nabuburyong ka at nagdududa ka sa mga desisyon mo. Ang babaeng kaibigan mo sa panaginip ay ikaw din. Malinaw ditto na sinisikap mong mag-diet o magpaka-seksi o maging maganda higit sa nagdaang mga araw. Ang parlor ay nagsasabi na ikaw ay masyadong “self-centered” o masyadong engrossed o conscious sa iyong itsura particular sa iyong physical appearance. Kung maikli ang buhok, mistulang inaamin mo na nagkamali ka sa desisyon at nagsisisi ka sa ilang aksiyon at Gawain na dati mong ginawa sa nagdaang panahon. Katapat ng babae ay No. 6; No. 11 ang buhok; No. 34 ang parlor; No. 5 ang maikli; No. 27 ang pagpapagupit. Tipikal sa tulad mong isinilang sa petsang 5 ay maging atubili sa mga desisyon pero makapag-aabroad ka kung nanaisin mo. Pinakabuwenas mo ang No. 5 at No.2. Sa jai alai, isama mo ang No. 3. Sa lotto, pumulot ka sa itaas at ihalo ang ilan sa mga sumusunod: 3-7-11-19-23-25-34-37-40-42.
---30---

02. PALMISTRY

head: Bahay at lupa

Dear Sir Dennis,
NAGPASYA na rin akong magpa-zerox ng guhit ng palad. Nais kong kasing malaman kung makapagpupundar ako ng sariling bahay at lupa. May 10 taon na kaming nangungupahan ng bahay at palipat-lipat kami ng lugar. Nahihirapan na ako lalo pa’t may tatlo kaming anak. Balak kong mag-abroad, matuloy kaya ako? Sino sa mga anak ko ang magtatagumpay. Ipinanganak ako noong Hunyo 6, 1970.

DAVID NG DASMARINAS, CAVITE

Dear David,
HINDI ka dapat nababahala. Kasi’y matutupad mo naman ang pangarap mong makapagpundar ng sariling bahay at lupa dahil may guhit na pumaitaas sa bandang ilalim ng hinlalato (tingnan ang bilog sa bandang ilalim ng middle finger). Nagsasabi rin ito na ikaw ay buwenas sa lahat ng may kaugnayan sa lupa tulad sa real estate at agribusiness. Magagawa mo ring makapag-abroad kung magko-concentrate ka sa pag-aayos ng mga dokumeto. Malayo kasi ang naabot ng dulo ng Life Line at nagkaroon din ito ng sanga (tingnan ang bilog sa bandang pulso). Nagsasabi ito na ikaw ay makakaranas ng malaking pagbabago sakaling mandayuhan o pumunta sa malayong lugar—diyan magsisimula ang iyong pag-unlad. Makakatapos naman ng pag-aaral ang iyong tatlong anak kasi’y matitikas at mahahaba ang tatlong guhit na pumaitaas sa bandang kalamnan ng hinlalaki (tingnan ang bilog sa kalamnan ng hinlalaki). Nagsasabi ito na ikaw ay matutulungan ng iyong mga anak sa panahon ng iyong pagtanda.
---30--