Di na "makakatikim"

(for TIKTIK, June 07 issue)

Dear Sir Dennis,
NAGPA-ZEROX na rin ako ng guhit ng palad. Gusto ko kasing itanong kung makapag-aasawa pa ako. Biyuda na ako at may dalawang anak. Nahihirapan ako sa pagpapalaki ng aking mga anak. Ipinanganak ako noong Hunyo 18, 1975. Isa lamang akong salesclerk at tinutulungan ako ng mga magulang sa pagpapalaki ng aking mga anak. Makakapagpundar ba ako ng sarili kong bahay at lupa? Mapagtatapos ko ba ang aking mga anak?

ADORACION NG CAVITE CITY

Dear Adoracion,
NAKALUNGKOT man sabihin, hindi ka na makakapag-asawa pa. Nagsosolo lang kasi ang guhit na sumulpot sa bandang itaas ng tagiliran ng palad (tingnan ang bilog sa bandang ilalim ng hinliliit). Nagsasabi ito na minsan ka lamang iibig kaya't kung nabiyuda ka--wala nang iba pang lalaking makakasama ka sa habang buhay maliban sa iyong mga anak. Makakatapos naman ng pag-aaral at magtatagumpay ang iyong mga anak. Kasi'y kapwa matikas at mahaba ang dalawang guhit na pumaitaas sa kalamnan ng hinlalaki (tingnan ang bilog sa kalamnan ng hinlalaki). Makakapagpundar ka rin ng sarili mong bahay at lupa dahil may guhit na pumaitaas sa bandang ilalim ng hinlalato (tingnan ang bilog sa bandang ilalim ng middle finger). Nagsasabi rin ito na buwenas sa real estate at agribusiness.
---30-

Naglakad sa apoy

(for TIKTIK, June 07 issue)

Dear Don Honesto,
NAPANAGINIPAN ko po na ako ay may hawak na isang malaking bola. Ang bola ay may tinik pero hindi naman ako nasasaktan. Inihahagis ko raw ito paitaas at muling sinasalo. Hindi ako natutusok ng mga tinik. Ano kaya ang ibig sabihin nito? Minsan naman ay napanaginipan ko na naglalakad ako sa isang kalsada na nagliliyab at hindi rin ako napapaso ng apoy. Bigyan mo sana ako ng masusuwerteng numero lalo na sa pagtaya sa jai alai at lotto. Ipinanganak ako noong Setyembre 7, 1980. Bagong pasok lang ako sa trabaho.
NARCISO NG NOVALICHES, QC
Dear Narciso,
ANG bola ay nagpapaaalala sa iyo na hindi ka dapat mawalan ng pag-asa kasi'y papalit-palit lamang ang sitwasyon at lahat ay nagbabago. Ang tinik ay nagpapahiwatig na ikaw ay nahihirapan sa kasalukuyan kung saan napakarami mong mga tanong na hindi nasasagot. Kung hindi na nasasaktan sa tinik, malinaw dito na ikaw ay may malawak na pang-unawa na dapat mong panatilihin upang magkaroon ka ng maraming kaibigan at malayo sa kontrobersiya. Ang apoy ay nagsasabi na ikaw ay may strong sexual drives at ingatan mo ang pakikipagrelasyon sa opposite sex dahil maaari kang mapahamak. Ang kalsada ay repleksiyon ng iyong aktuwal na buhay. Magsisimula lamang ang iyong pag-unlad sa panahon ng pagpapamilya. Ang apoy ay nagbabadya rin ng pambihirang buwenas na mapapasakamay mo. Katapat ng tinik ay No. 33; No. 10 ang bola; No. 14 ang paglalaro; No.11 ang kalsada; No. 36 ang apoy; No.41 ang paglalakad. Tipikal sa tulad mong isinilang sa petsang 7 ay magkaroon ng matalas na imahinasyon na dapat mo magamit sa paghahanap buhay. Pinakabuwenas mo ang No. 7 at No.1. Sa jai alai, isama mo ang No. 3. Sa lotto, pumulot ka sa itaas at ihalo ang ilan sa mga sumusunod: 3-7-11-19-23-26-34-38-40-42.
----30--

Palad ng OFW

(for TIKTIK, June 06 issue)

Dear Sir Dennis,
NAGPA-SEROX na rin ako ng guhit ng palad. Isa akong security guard at naboboring na ako. Plano ko na mag—abroad, matuloy kaya ako? May dalawa akong anak, masusundan pa kaya ito? Makakapagpundar ba ako ng sariling bahay at lupa? Ipinanganak ako noong Hulyo 7, 1972.

JEFFREY NG PASIG CITY

Dear Jeffrey,
TAMA ang iyong balak na mag-abroad. Aba, dapat ay kumuha ka na ng pasaporte at ikondisyon ang isip sa paga-apply sa ibang bansa. Hindi ka dapat pinanghihinaan ng loob. Matutuloy ka. Malayo ang naabot kasi ng dulo ng Life Line at nagkaroon pa ito ng sanga sa dakong pulso (tingnan ang bilog sa dakong pulso). Nagsasabi ito na maraming bansa ang mararating mo dahil karaniwang nakikita ang naturang guhit sa palad ng mga OFWs. Masusundan pa ng tatlo ang iyong dalawang anak kasi’y may limang guhit ang pumaitaas sa kalamnan ng hinlalaki (tingnan ang bilog sa banding kalamnan ng hinlalaki). Nagsasabi rin ito na makakatapos ng pag-aaral ang iyong mga anak. Makakapagpundar ka rin ng sarili mong bahay at lupa dahil may guhit na pumaitaas sa banding ilalim ng hinlalato (tingnan ang bilog sa dakong ilalim ng middle finger). Buwenas ka sa lahat ng may kaugnayan sa lupa.
---30--

Gusali sa bukid

(for: TIKTIK, June 06 issue)

Dear Don Honesto,
PALAGI po akong nagbabasa ng kolum mo. May napaaginipan po akong isang mataas na gusali na nakatayo daw sa gitna ng bukid. May 5-palapag ang gusali at nagtataka ako kung bakit naitayo at kung paano nagkaroon ng gayong building sa gitna ng parang. Magarang magara ang gusali at tinangka kong pumasok pero hindi ako pinapasok ng mga bantay hanggang sa magising na ako. Self supporting student ako at malapit akong mag-graduate. Ipinanganak ako noong Hunyo 18, 1980. Bigyan mo ako ng masusuwerteng numero lalo na sa pagtaya sa jai alai at lotto.



ALBERT NG PASAY CITY

Dear Albert,
ANG gusali ay repleksiyon ng iyong pagkatao. Walang duda na makakatapos ka ng kurso sa kolehiyo at magiging ganap na professional at ehektibo. Mamumukod tangi ka sa inyong pamilya at titingalain ka ng mga tao na nakakakilala sa iyo. Ang bukirin ay nagsasabi na magkakaroon ka ng masaganang pamumuhay ay magiging maunlad at masaya ang pamilya mong mabubuo. Ang guwardiya ay nagsasabi na maraming tao ang lihim na humahanga sa iyo at marami rin ang sumasandal. Katapat ng gusali ay No.40; No. 14 ang mataas; No. 29 ang bukid; No. 27 ang guwardiya; No.1`0 ang sentro. Tipikal sa tulad mong isinilang sa petsang 18 ay may malaking tiwala sa sarili. Pinakabuwenas mo ang No.9 at No.4. Sa jai alai, isama mo ang No. 2. Sa lotto, pumulot ka sa itaas at ihalo ang ilan sa mga sumusunod: 2-6-11-19-23-26-34-37-40-42.
----30—

Mag-aasawa muli

(for TIKTIK, June 03 issue)


Dear Sir Dennis,
NAGPA-ZEROX na ako ng guhit ng palad at inilakip ko ang kopya sa liham na ito. Nais kong itanong kung may tsansa pa akong makapagpatayo ng sariling bahay at lupa. Nakatira lang kami sa squatter area. May apat akong anak na nag-aaral. Isa akong taxi driver. Biyudo na ako. Makakapag-asawa pa kaya ako? Ipinanganak ako noong Setyembre 6, 1970.

ARSENIO NG SAMPALOC, MAYNILA

Dear Arsenio,
ITULOY mo lamang ang iyong mga pagsisikap at walang duda na makakapagpundar ka ng sarili mong bahay at lupa. May guhit kasi na pumaitaas sa banding ilalim ng hinlalato (tingnan ang bilog sa banding ilalim ng middle finger). Nagsasabi ito na ikaw ay buwenas sa lahat ng may kaugnayan sa lupa at real estate. Maari ka ring pumasok sa agribusiness at ditto ka bubuwenasin nang husto. Makakapag-asawa ka muli. May dalawang guhit ang lumitaw sa bandaang itaas ng tagiliran ng palad (tingnan ang bilog sa banding ilalim ng kalingkingan). Nagsasabi ito na dalawang beses kang magmamahal. Masusundan pa ng dalawa ang iyong anak kasi’y may anim na guhit ang pumaitaas sa kalamnan ng hinlalaki (tingnan ang bilog sa kalamnan ng hinlalaki). Nagsasabi ito na makakatapos ng pag-aaral at magtatagumpay ang iyong mga anak.
----30-

Malaking ibon

(for TIKTIK, June 03 issue)

HEAD:Malaking ibon

Dear Don Honesto,
MADALAS kong mapanaginipan ang isang malaking ibon na lumilipad nang mababa sa paligid nang aming bahay. May iba’t ibang kulay ang balahibo ng ibon at tuwang tuwa ako. Pero biglang umulan at dumapo ang ibon sa tapat n gaming hagdanan. Tinangka kong siyang hulihin at nadampot ko ang kanyang mga paa. Pero nagpumiglas siya at tinangay niya ako sa itaas ng ere. Nagsisigaw ako sa takot hanggang sa magising. Bigyan mo sana ako ng masusuwerteng numero lalo na sa pagtaya sa jai alai at lotto. Ipinanganak ako noong Setyembre 3, 1970. Isa akong office clerk.


SAMMY NG TAGAYTAY CITY

Dear Sammy,
ANG ibon ay nagsasabi na ikaw ay nasasabik na maging Malaya. Gusto mong makapagdesisyon ka nang walang nakikialam. Marami kang plano sa buhay na hindi mo magawa. Ang bahay ay repleksiyon ng iyong pagkatao. Nagsasabi ito na masyado kang conscious sa iyong personalidad at nais mong disiplinahin ang iyong sarili pero nahihirapan kang gawin ito. Ang ulan ay nagsasabi na ikaw ay may strong sexual drives. Malinaw ditto na ikaw ay nasasabik na magkaroon ng kapartner sa buhay pero hindi mo alam ang gagawin kasi’y kapos ang iyong kinikita sa bawat araw. Kung tinangay ka sa ere,nagpapayo ang panaginip na isarado mo ang iyong mga desisyon at magtangka kang gawin ang iyong mga plano kahit pa mistulang imposible itong maipatupad. Ang mahalaga ay magtangka upang mabago ang takbo ng iyong buhay. Katapat ng ibon ay No.30; No.33 ang paglipad; No. 22 ang paa; No. 11 ang ulan; No. 40 ang bahay; No. 27 ang makulay; No. 41 ang balahibo; No. 34 ang hagdanan. Tipikal sa tulad mong isinilang sa petsang 3 ay maging ambisyoso at masarap magmahal. Pinakabuwenas mo ang No.3 at No. 7. Sa jai alai, isama mo ang No.9. Sa lotto, pumulot ka sa itaas at ihalo ang ilan sa mga sumusunod: 3-7-11-18-23-26-33-37-40-42.
-----30-

Di mag-aasawa, 2 ampon

(for TIKTIK, June 02)

Dear Sir Dennis,
NAGPA-ZEROX na rin ako ng guhit ng palad. Gusto ko kasing malaman kung may tsansa pa akong makapag-asawa. Tatlong beses na akong nabigo at natatakot na akong umibig. Magkakakaanak pa ba ako? Makakapagpundar ba ako ng sariling bahay at lupa? Ipinanganak ako noong Nobyembre 19, 1970.
EVELYN NG TANAUAN, BATANGAS
Dear Evelyn,
TAMA ang kutob mo, hindi ka nga makapag-aasawa. Malinis na malinis ang bandang itaas ng tagiliran ng iyong palad malapit sa ilalim ng hinliliit (tingnan ang bilog sa bandang ilalim ng kalingkingan). Nagsasabi ito na hindi ka na makakaramdam ng pagmamahal at ang iyong emosyon na naramdaman sa nagdaang kabiguan ay pawang palsipikado lamang kundi simpleng naghahanap ka lamang ng makakasama sa habang buhay. Gayunman, magkakaroon ka ng dalawang ampon na ituturing mong tunay na anak. May dalawa kasing guhit na pumaitaas sa bandang kalamnan ng hinlalaki (tingnan ang bilog sa bandang kalamnan ng hinlalaki). Nagsasabi ito na magkakaroon ka ng kasama sa iyong tahanan at sa pagtanda. Makakapagpundar ka rin ng sariling bahay at lupa dahil may guhit na pumaitaas sa bandang ilalim ng hinlalato (tingnan ang bilog sa bandang ilalim ng middle finger).
------30--

baraha

(for TIKTIK, June 02)

Dear Don Honesto,
BIGYAN mo sana ng kahulugan ang aking panaginip. Napanaginipan ko po ako ay naglalaro ng baraha kasama ang mga kapatid ko. Lucky nine ang laro namin. At lagi akong nanalo. May taya kami na mga barya na para bang may patay na pinaglalamayan. Bakit kaya lagi akong nananaginip ng baraha at nagsusugal. At lagi rin ako ang nanalo. Nawalan po ako ng trabaho ng magsara ang aming pabrika. Bigyan mo ako ng masusuwerteng numero lalo na sa pagtaya sa jai alai at lotto. Ipinanganak ako noong Hulyo 18, 1973.

DIONISIO NG MARIVELES, BATAAN

Dear Dionisio,
ANG baraha ay repleksiyon ng iyong buhay.Malinaw dito na ikaw ay nasa gitna ng proseso ng pagsusuri ng iyong buhay. Binabalik-balikan mo ang mga nagdaan at sinisikap mong pag-aralan ang mga hakbang na nais mong ipatupad. Ang lucky nine ay nagsasabi na marami kang lihim na kaaway at nararamdaman mong mistulang magdaraan ka sa butas ng karayom bago ka makaunlad. Kung madalas kang makapanaginip ng baraha, nagsasabi na makakaranas ng malalaking pagbabago sa takbo ng buhay sa taong ito, 2006 at makakatikim ka ng pag-unlad bago matapos ang taong 2007. Katapat ng baraha ay No. 41; No. 9 ang lucky nine; No.5 ang mga kapatid; No. 29 ang lamay. Tipikal sa tulad mong isinilang sa petsang 9 ay makakangat sa buhay pero magdaraan sa maraming pagsubok. Pinakabuwenas mo ang No.9 at No.1. Sa jai alai, isama mo ang No. 8. Sa lotto, pumulot ka sa itaas at ihalo ang ilan sa mga sumusunod; 3-7-11-19-23-27-34-36-40-42.
---30-